#MoneyPoly

Money-Poly Show

مش للجادين فقط

هذا المكان مخصص لمحبي الضحك و الترفيه. اذا كنت مش منهم نشكرك لزيارتك لا تكمل قراءة....

طالما كملت خلينا نحكيلك عن مسرحية موني بولي بتعرف لعبة مونوبولي ؟ لعبتها لما كنت صغير ؟

احنا هون لنلعبها معك عالمسرح بس مش بشكلها التقليدي والاعتيادي رح نقدملك عرض كوميدي اجتماعي ساخر اسمه (لعبة المال) او (موني بولي)

رح تتعرف فيو على شباب من قرية "اولدكنت" الي بدهم ينتقلو لمنطقة "بيكاديلي" بس هي غالية عليهم فشو رح يشتغلو لتزبط معهم و شو الشرط الي رح يورطهم و كيف ممكن يطلعو منها ؟

ازا كنت اول مرة بتحضر مسرحية بالاردن ٠٠٠ بأكدلك رح تصيرمن جماعة المسرحجيين.

YAlla جاهز نضحك ٠٠٠٠

800

ضحكة

2

عرض

I am نور رواش

كاتبة مخرجة و ممثلة مسرح و سينما

كاتبة مخرجة و ممثلة مسرح و سينما -مؤخرا- بعد رحلة طويلة مع هندسة الشبكات ٠

كان اسمي المهندسة نور لما كانو يحكولي الناس انه الهندسة بطعمي خبز بس نسيو يحكولي انه الخبزات بخلصو ب ١٠ الشهر .

كبرت و ترعرت في احضان عمان الغالية و جودة الحياه خلتني افجر ابداعاتي على الورق قصدي عاللابتوب و اعمل من كلماتي الخام شخصيات بتتنفس و بتحكي و بترقص و بتغني

و صار ل هالورقة روح

عملت اعمال مسرحية متنوعة بين كوميديا تراجيديا ومسرح الطفل بالاضافة لعدة اعمال تلفزيونية و دعايات و دوبلاج و فويس اوفر٠

نور العاشقة للحياه و الفن جواتها عالم تاني ارض تانية من وحي الخيال كل شي فيها مبسوط و بضحك بغني و برقص و بستمتع بكل شي

لهيك نقلت هالعالم ليتجسد قدامكم و تستمتعو في

و لحتى تكتمل الصورة هون بتقدر تضحك بصوت عالي قد ما بدك

لا احكام في هذا العالم ٠٠٠بين جدران المسرح انت حر طليق

Awards & Achievements

● 2022— تقديم اول عرض كوميدي ( تايف و اخراج)
● 2021 — تكريم من حكمت الثقافة و الفنون على انجاز مسرحية حفنة تراث و ازمة لمشاركتي مع فريق سين للدراما و المسرح كممثلة و مديرة خشبة٠
● 2020 — تكريم من وزارة الثقافة على تقديم مسرحية حلم ليلة حظر في مهرجان الأردن و التي لعبت فيها ٣ شخصيات مختلفة
● 2019 — تخرجت من معهد الفنون الجميلة قسم التمثيل و الاخراج المسرحي
● 2017 - 2023 — ١٢ عمل مسرحي ابرزها حلم ليلة صيف - ادفع ما بدفع - الحضيض - السندباد - حلم ليلة حظر - السعادة في كيس - حفنة تراث- ازمة - جميلة و مغاوري

تحت رعاية مركز حكاية لتنمية المجتمع المدني ينطلق مشروع "حكاية مسرح" بعرضه الكوميدي الأول (موني بولي)

......

هدفنا: تمكين دور الشباب في قطاع الثقافة والفنون وخلق ارض خصبه للإنتاج وعرض ابداعهم من خلالها.

رؤيتنا: خلق فرص التبادل الثقافي المحلي العربي والعالمي للشباب المبدع.

رسالتنا: نحن هنا لنرسم ابتسامات جميلة نؤمن بان قيمة الترفيه والاستمتاع كفيلة بان ترتقي بالوعي وتسهل حياة الناس لذا نحرص على تقديم فن ممتع ويرتقي بعقول المشاهدين.

مركز حكاية لتنمية المجتمع المدني

مقابلتنا في قناه رؤيا

Show team

فريق المسرحية كل حد قصة أصلاً

عبدالله العواملة

مساعد مخرج و مش بس هيك ... هو الكرت الربحان باللعبة اي حدا بغيب عن البروفا بعبي مكانه ٠٠٠ هيك لاخد دور نجم بالعرض و هو اسم عمسمى قصدي نجم وهو نجم يمكن شفتوه بمسلسلات او اعلانات صح ٠٠٠ هاد هو نفسه ابو العواملة الي رح تشوفوه بالعرض واحد من شباب قرية اولد كنتِ

عبدالله العواملة

اسيل ياسين

الايد الشمال و الايد اليمين المسمى الوظيفي: كل شي

اي شي بتشم فيو ريحة فن بتكون اسيل في ان

صحيح انها ممثلة سينما و تلفزبون و مسرح و صحيح انها كاتبة و مخرجة بس هي معنا بتعمل كل شي ما اله دخل بما ذكر اعلاه مهارات متل الرز ما شا الله

اي فرصة بايد اسيل فهي ربحانة الها ايد بكل شي بخص العمل بس تسألني شو بحكيلك والله ما بعرف بس الي بعرفه انها الدينامو والعجلة السيارة و الي بدونها بتكون اللوحة ابدا مش مكتملة

اسيل ياسين

سعيد المغربي

ممثل و كتير اشياء تانية لما سالته يا سعيد شو بتحب نحكي عنك حكالي اكتبي سعيد و بس و للصراحه معا حق فخامة الاسم تكفي٠٠٠

بكل تواضع سعيد الجوكر الي اي دور بياخده بكون الاول من غير منازع خفة الدم و الضحكة الي ما بتخلص و الي بعبي البروفات دوامات من الايفيهات شخصية مميزة جدا هو الي رح يقدملكم دور فهيم بهالعرض ابن عمه لنجم و من نفس القرية بس ما تستغربو لو شفتوه كل مرة بدور بهالعرض لانه حقيقي جوكر

سعيد المغربي

نسرين مطالقة

مثال حي ومباشر عن معنى ال multi-tasking

اثبتت انه المرأة العربية تستطيع ان تكون تيربو حقيقي يلا نعد نسرين شو بتعمل بيومها

مدربة رياضية محترفة ٠٠مدربة رقص لاتيني باحتراف " سالسا و هاي القصص٠٠٠" راكضة و بتفوت سباقات ماراثون ٠٠٠٠بتدرس ولادها ٠٠٠بتشارك بأعمال تطوعية كتير و مؤخرا لقتلتا وقت الحمدالله لتاخد معنا شخصية الست صباح

وما ادراك من صباح .. من الاخر صباح قصدي نسرين تاركة بصمة وين ما تروح ف رح تعرفوها اكتر عالمسرح بطاقتها العالية غير المنتهية

نسرين مطالقة

تامر العساف

الممثل و المنقذ ٠٠٠ اي حالات طارئة استدعوا السوبرهيرو تامر العساف

ممثل من الطراز الاول مرونة اداء حيوية تالق ممكن يطلع عرض بعد ٣ بروفات عااادي جداا و هاي الاسباب الي بتميز تامر بعبي مكانه وين ما يروح و بلزق تلزيق بالذاكرة يعني ال بقدر احكي انه ما حتنسو حيدر الاكسفوردي بعد العرض اطلاااقا

تامر العساف

شهد البيطار

ممثله و الريكوردر التفاصيل الريفرنس المفكرة الكالندر

ما تحاول مع شهد انك ما تتذكر الاداء المطلوب منك بتجيبلك اليوم و التاريخ و شوو لون ٠٠٠٠ بلوزتك وكل الاحداث المتعلقة بهداك اليوم و بالاخر رح تتذكر خاوة

طبعا وجود شهد بالعمل يعني عدم الحاجة لتدوين اي معلومة وطبعا المواهب ما بتخلص لهون عدا عما ذكر أعلاه فهي بتغني وبترقص و بتلعب شخصية مركبة بهاد العرض و الاسم الي رح تسمعوه بتغنى كتييير سمرااااااااا

شهد البيطار

محمد الوادي

ممثل و مغني و راقص محترف اكتر حدا ما بحضر بروفات و اعلى اداء بالعرض كيف ما بتعرف رقص باحترافية غناء باحترافية اداء باحترافيه.

تحديدا شخصية ورد بالعرض ما بقدر احكي عنها اشي لانها قنبلة الموسم بستخدم ٣ احرف بس بالعرض و بموتك ضحك ٠٠٠ كيف كمان ما بتعرف ذكي و منتقي جدااا

الي بقدر احكي انه اغنية ورد بالعرض هي الترند تاعه و الي انحفظت عند كل حدا شافه من غير مجهود

محمد الوادي

زين أبو علم

ممثلة وتمثل معنى الالتزام بالبروفات ٠٠٠ "يا رب سامحني"

كيف بتعرف انه هاد ممثل عبقري؟ ٠٠٠ لما بعمل دوور بعيد كل البعد عن شخصيته وهاد الي عملته زين هون عملت دور الحكيمة.

المهم انها من الناس العاشقة للاشي الي بتعمله وهاد دايما بيعطيها اولوليه بكل شي

بتعطي من قلبها شخصيتها الحكيمة الكوميدية الي ممكن تبكيك واضحكك وتخليك تفكر بحياتك بجملة وحده واداء واحد زين ابو علم هاد الاسم رح تسمعوه مع الايام كتير

زين ابو علم